Koha e parashikuar e leximit: 1 minut
09 janar 2026
Tre persona janë lënduar si pasojë e një aksidenti që ka ndodhur sot rreth orës 13:50 në fshatin Grabovc i Poshtëm, ku u përfshinë një tren dhe një automjet.
Lajmi është konfirmuar nga Policia e Kosovës për rajonin e Prishtinës. Zëdhënësja Flora Ahmeti bëri të ditur se të lënduarit kanë pësuar lëndime trupore, ndërsa në vendin e ngjarjes kanë ndërhyrë njësitë policore.
Sipas zëdhënëses Ahmeti, hetimet për rrethanat e aksidentit janë duke u zhvilluar nga Njësiti i Trafikut Rajonal.
