Koha e parashikuar e leximit: 1 minut
08 janar 2026
Ministri në detyrë i Ministrisë së Mjedisit, Planifikimit Hapësinor dhe Infrastrukturës (MMPHI), Hysen Durmishi, ka bërë thirrje për kujdes të shtuar gjatë qarkullimit sonte në rrugët e Kosovës.
Sipas paralajmërimeve meteorologjike, temperaturat pritet të zbresin deri në –9°C, ndërsa lagështia e krijuar nga reshjet mund të shkaktojë ngrica, duke e bërë qarkullimin rrugor më të rrezikshëm.
Ekipet e kompanive për mirëmbajtjen e rrugëve janë të angazhuara në terren gjatë gjithë kohës për të siguruar kalueshmërinë e rrugëve. Megjithatë, zbatimi i rregullave të sezonit dimëror mbetet i domosdoshëm, përfshirë pajisjen e automjeteve me goma dimërore dhe zinxhirë.
Ministri Durmishi u ka bërë thirrje qytetarëve që të shmangin lëvizjet gjatë natës, përveç rasteve të domosdoshme, duke theksuar se institucionet janë të angazhuara maksimalisht për sigurinë e qytetarëve, ndërsa bashkëpunimi i tyre është thelbësor për evitimin e rreziqeve të panevojshme.
