Ndahet nga jeta ikona e kinematografisë shqiptare, Margarita Xhepa, në moshën 93-vjeçare

Koha e parashikuar e leximit: 1 minut

03 prill 2025

Bota e artit shqiptar ka humbur një prej emrave më të mëdhenjë të skenës dhe kinematografisë.

Margarita Xhepa, aktorja e mirënjohur dhe e dashur nga publiku, është ndarë nga jeta në moshën 93-vjeçare.

Lajmi i ndarjes së saj nga jeta ka tronditur komunitetin artistik dhe adhuruesit e saj, të cilët e kanë vlerësuar gjithnjë si një ikonë të kulturës shqiptare.

E lindur më 2 prill 1932, Margarita Xhepa festoi vetëm një ditë më parë ditëlindjen e saj të 93-të, duke lënë pas një trashëgimi të jashtëzakonshme artistike.

Me një karrierë që shtrihet në disa dekada, ajo ka interpretuar mbi 150 role në teatër dhe 32 role në kinematografi, duke u bërë një figurë e dashur dhe e nderuar e artit shqiptar.

Puna dhe kontributi i saj në art do të mbeten të pavdekshme, duke frymëzuar breza të tërë aktorësh dhe adhuruesish të teatrit dhe filmit shqiptar.

Scroll to Top