Nuk është sulmues, por aspak kjo s’paraqiti problem për të shënuar “hat-trick”.
Albert Dabiqajt, shfaqi ndeshjen më të mirë prej që iu bashkua “Intelektualëve” dhe me tre golat e tij i dha fitoren e nëntë kampionale, Dritës, duke e “gozhduar” vendin e parë në tabelë.
Ky triumf e ngrit në 5 dallimin e pikëve që gjilanasit tani kanë me ndjekësin e parë, kampionin në fuqi, Ballkanin.
Pavarësisht se Llapi mori avantazhin në ndeshjen e sotme, kur Blendi Baftiu shënoi në minutën e 22-të, gjilanasit nuk u dorëzuan, duke u rikthyer fuqishëm në fraksionin e dytë, raporton Klankosova.tv.
Vendasit barazuan në minutëne 51-të, por VAR-i e anuloi golin, si shkak i një ndërhyrje të palejuar që Manaj e bëri ndaj Blakqorit.
Por “Intelektualët” nuk u ndalën, duke shënuar edhe dy herë të tjera, me anë të Albert Dabiqaj.
Kjo fitore e dërgon Dritën në kuotën e 31 pikëve, para Ballkanit që ka 26 e Malishevës e cila ka grumbulluar 25 sosh.
Llapjanët pas humbjes së sotme, mbeten me 16 pikë, dhe të zhytur në krizë të thellë, duke e gjetur vetën në zonën e barazhit, me rrezik largimin nga elita, njofton Klankosova.tv.
