Në njërën prej tri ndërtesave të njohura si “Vampirusha” në Mitrovicën e Veriut sot në mëngjesi janë gjetur armë nën kulmin të këtij objekti.
Lajmin e ka konfirmuar zëvendëskomandanti për rajonin e Veriut, Veton Elshani.
Elshani nuk ka dhënë detaje të tjera për rastin, por ka thënë se shumë shpejt policia del me detaje për rastin.
Ndërkaq edhe të mërkurën Policia e Kosovës ka zhvilluar një aksion në pjesën veriore të vendit, saktësisht në Zubin Potok ku kanë gjetur uniforma dhe pajisje tjera ushtarake’.
‘’Me datën 20.11.2024 rreth orës 12:00 njësia e Drejtorisë për Hetimin e Trafikimit të Narkotikeve – Mitrovicë Veri në koordinim me njësitë policore Mitrovicë Veri me autorizim të Prokurorit nga Prokuroria Themelore Mitrovicë në fshatin Drobnjak Komuna Zubin Potok ka kërkuar të dyshuarin me iniciale ( S.M.) si person në kërkim në lidhje me rastin e laboratorit të drogës në fshatin Qukiq të Zubin Potokut i cili rast ishte hetuar në vitin 2018.I dyshuari nuk është gjetur në lokacionin ku dyshohej se mund të jetë, mirëpo në pronën e tij gjegjësisht në mal në një vend të mbuluara me dhe janë gjetur uniforma dhe pajisje tjera ushtarake’’, thuhet në njoftimin e PK-së./IndeksOnline
