Presidenca e Kosovës njofton se raporti për Vendin 2024 veçon përpjekjet e pandalshme të presidentes Vjosa Osmani në agjendën për Gratë, Paqen dhe Sigurinë (WPS).
Sipas një komunikate të lëshuar për media nga presidenca theksohet vëmendja e lartë politike nga ana e presidentes për barazinë gjinore, të drejtat e grave dhe viktimave të dhunës seksuale e njëkohësisht organizimi i Forumit Ndërkombëtar për Gratë, Paqen dhe Sigurinë i cili kishte mbledhur mbi 1 mijë pjesëmarrës nga mbi 40 vende të botës.
